काठमाडौं । दिल्लीबाट काठमाडौं आएको एयर इण्डियाको जहाजमा बम राखिएको हल्ला फैलिएसँगै त्रिभुवन अन्तर्राष्ट्रिय विमानस्थलमा सुरक्षा सतर्कता बढाइएको छ ।
१७० यात्रु र चालकदलका सदस्य बोकेको जहाज दिउँसो ३:३९ बजे विमानस्थलमा ल्याण्ड भएको थियो भने ४:३१ मा जहाजमा बम छ भनेर सूचना आएको सुरक्षा अधिकारीले बताएका छन् ।
जहाजमा बम राखिएको हल्लापछि अहिले सुरक्षा चेक जाँच जारी छ। यात्रुलाई निकालेर लगेजहरूको कुकुर सहितको सुरक्षा टोलीले चेक जाँज गरिरहेको काठमाडौं उपत्यका प्रहरी कार्यालयले जनाएको छ ।
यस अघि दिल्लीबाट काठमाडौं आएको भिस्तारा एयरलाइन्सको ए३२० जहाजमा पनि बम राखिएको भन्दै हल्ला फैलाइएको थियो।