इलाम–२ मा घण्टीको जमानत जफत

काठमाडौं । प्रतिनिधिसभा इलाम क्षेत्र नं २ मा इलाम–२ मा सम्पन्न उपनिर्वाचनमा राष्ट्रिय स्वतन्त्र पार्टी रास्वपाका उम्मेदवारको जमानत जफत भएको छ ।

आज बिहान निर्वाचन आयोगले सार्वजनिक गरेको अन्तिम मतपरिणामअनुसार राष्ट्रिय स्वतन्त्र पार्टी रास्वपाका उम्मेदवार मिलन लिम्बूको जमानत जफत भएको बताएको छ ।

निर्वाचनमा सदर मत ६८ हजार चार सय ७२ को १० प्रतिशत अर्थात ६ हजार आठ सय ४७ भन्दा कम सदर मत पाएका १० राजनीतिक दल र छ स्वतन्त्र उम्मेदवारको जमान जफत भएको हो।

चौथो स्थानमा रहेका रास्वपाका लिम्बूले पाँच हजार ५० मतमात्र पाएर जमानत जफत भएको हो ।

यसैगरी, स्वतन्त्र उम्मेदवार डाकप्रसाद गौतम, मनोज निरौला, अर्जुनकुमार शाही, दीपेश बोहोरा, योगेन्द्र गुरुङ र राज बस्यालको पनि जमानत जफत भएको छ।